Bertsolari honeek herrietako jaietan be egoten
ziran. Eta Muxikan be ez ei zan jairik falta orduan. Batzuk ez dira gaur eguneraino heldu:
Elizaldeko Maiatz Pazkoak eta San Bizenteak, Kurtzeroko Gorpuzti, Zugastietako Santo
Domingoak, Okako Andra Mari Zuriak edo Astelarrako Santa Kurtze eta Maiatz Pazko
Bigarrenak, esate baterako.
Domeka guztietan be erromeria egiten zan Astelarran, Muniketan eta
Zugastietan. Beste batzuk oraindino be egiten dira: Maumeko San Lorentzoak, Ibarruriko San
Pedro eta Andra Mariak, San Romanak, Gorozikako Andra Mariak, Urrutxuko Madalen
errepetizinoa, Usparitxako San Isidroak, Ajuriako San Juanak edo Ariatzako Santa Kurtziek. |
