|
|
Usparitza |
 |
Usparitza:
Atxeli mendiaren pean dagoan gune txikia da. Berton dago San
Migel Arkanjeluaren ermitea, arkitektora gotikoaren barruan sartu leitekela. Gaur egun
zaharbarrituta dago, udalak zaharbarritu eban eta. Maiatzaren 15ean San Isidro eta
irailaren 29an San Migel jaiak ospatzen dira gaur. Antxina prozesinoa egiten zan San
Isidroren irudiagaz, urrunen dagoan baserriraino.
Usparitza gunean Jauregi baserria dago eta berton jaio zan
Kepa Enbeita (URRETXINDORRA) bertsolari ezaguna. Gaur egun baserri horretan fruitu-arbolen
ekoizpen handia dago. |
|
Zilloniz |
|
Zilloniz:
Auzo hau Ugarte auzoaren ganean dago, Mungiara daroan BI-2121
errepidearen ganean, hegoaldeko magalean. 16 etxebizitza dagoz bertan, guztien artean
guneko landa-gune tipikoa osotzen dabela. |
Zugastieta |
|
Zugastieta
Auzo hau Ibarruri eta Gorozika eleizateena da, Oka ibaiak banantzen
dau eta Ajuriako eta Uroarroko bere ibaiadarrak auzo honetan batzen dira. Guneko jauregi
berezienetako bat dago hemen, Etxezarreta jauregia. Jauregiaren fatxadan XVII.
mendeko eraikin noble honi izena emoten deutsan familiaren armarria dago eskegita. Bere
ondoan, Olabarri errotea dago, gaur egun be erabilten dan errotea hartzen dauan
zaharbarritutako eraikina. Ostean beste eraikin bat be badago, antxina burdinolea izan
zana, Olazarra izenekoa. |
|
Eraikin
bi horreek presan gordetan zan uraren indarra aprobetxetan eben. Presa hori Ajuriako eta
Uroarroko ibaiadarretako urakaz betetako, eustorma bat dago eta horrek Presako izeneko
hezegune garrantzitsua sortu dau. Santo Domingo ermitea be badago berton, nahiko
abandonauta, eta eskola bat, gaur egun enpresa txiki bat hartzen dauana.
Neoklasiko berantiar estiloko tren-geltokia dago eta, gaur egun,
eskualdeko turismo bulegoa dago hemen. Izan be, eskualdearen sarreran dagoanez, erraza da
gure eskualdera datozen turista eta bisitariei nora joan azaltzea. Errepide nagusia
kurutzauta harrizko eskilara batzuk ikusiko doguz eta, bertotik Gorozika auzora doan
errepidera igongo dogu. |
|
