|
|
Muniketa |
 |
Muniketa:
Sakabanatutako auzoa da, hainbat baserri tipiko eta ikuspegi
zoragarria daukazana. Bertotik itsasoa ikusi leiteke. Izan be, 1848an Autzaganeko
errepidea hobetu zan arte, horixe zan hegoaldeagaz komuniketako bide nagusia, Durangotik.
Berton dago ASTEI landa-turismoko etxea. Baserri hau zaharbarrituta
dago eta jatetxe zerbitzua eskaintzen dau. Bertotik, Oiz mendiaren hegala eta Goraño
ikusi leikeguz.
Antxina erromeria egiten zan domeka guztietan. |
Oka |
|
Oka:
Oka auzoak eskualdeko ibairik garrantzitsuenari emoten deutso izena;
Mundakako itsasadarraren ardatz nagusia da eta Euskal Herriko padura garrantzitsuenak
eratu ostean itsasoratzen da.
Berton dago Okako Torrea, errota eta burdinolez inguratuta.
Gaian adituak diranen ustez, gaia ez litzateke bat etorriko Okako antxinako torreagaz,
gerrako trantsizino garaian ordeztu eta jauregi-gotorleku bihurtu zala XVII. mendean.
Kubo-itxurako eraikina da, handia, lau isuriko estalkia eta hegal zabala daukazala. Bere
kokalekua kontuan hartuta, jurisdikzino arazoak sortuko leukez Muxika eta Gorozikaren
artean. 1879ra arte Gorozikarena izan zan eta, urte horretan, jurisdikzinoa Muxikarena
izatea erabagi eban Aldundiak.
Edurretako Andra Mariaren ermitea be dogu hemen, torretxearen
jaubeek eurek sortutakoa. Antxina abuztuan ospatzen zan edurren jaia, baina gaur egun
jaubetza pribadukoa da ermitea. |
|
Ormaetze |
|
Ormaetze:
Guneko landa-inguru tipikoa osotzen daben baserrien moltsoa da hau
be. Berton, Etxekoena etxe-jauregia da aitatzekoa, harlanduz egindako fatxada
nagusian harriz landutako armarria daukalako.
Apur bat urrunago, hiru altuerea eta sotoa daukazan baserria ikusi
leikegu. Berton, gaur egun erabilten ez dan antxinako errotea topauko dogu,
Txakille. |
Pozueta |
|
Pozueta:
Auzo hau landa-izaerakoa da eta 9 baserrik osotzen dabe. Donejakue
Bidea auzo honetatik pasetan da, eta gaur egun be trazadura hori adierazoten daben
seinaleak dagoz. Auzo honetan Pozueta-Atze baserria da azpimarratzekoa,
barrokoko armarria daukalako. |
|
