Ariatza:
Ariatza auzoa Amorebieta-Etxano eta Gernika-Lumo bitarteko
errepidearen ertzean dago. Gune honetako asko ospetsuak izan dira txirrindularitzaren
munduan (Zesario Sardui, Sotero Lejarcegi, Segundo Barruetabeña, Oskar Elgezabal) eta
bertsolaritzearen munduan (Enbeitatarrak, Lopategi, Ortúzar...). 1959an sortu zan Euskal
Herriko lehenengo bertsolaritza-eskolea, Garriko. Balendin Enbeitak sortu
eban eta gaur egun be bere horretan dirau.
Ariatza gunean Santo Kristo ermitea dago. 1877an
sortu zan eta bertan Santikurutzeren gorespena ospatzen da irailaren 14an; hurrengo
domekan saragia hobiratzeko jaia egiten da. Jai hori 1922tik ospatu izan
da, urtero-urtero, eta Ariatzako herritar guztiek hartzen dabe parte. Hasieran
“Saragi” narrua hobiratu baino ez zan egiten, baina gaur egun antzezlana be
egiten da. Abadetxea izandakoa dauka berari lotuta.
Gaur egun Iberreko-Errota izeneko landa-turismoko baserria daukagu
berton; barrualdean egoera bikainean dagoan errotea dauka zaharbarritutako baserri honek. |
