Eskatzaileak:

• Eskabidea aurkezten dutenak legez eratutako nekazarien elkarteak izan behar dira eta elkarteko kide guztiak, jarduera nagusia nekazaritza duen familia ustiategi bateko titularrak izan behar dira.

Agiriak:

• Eskabide bat inbertsio bakoitzeko, elkarteko lehendakariak sinatua, eta bertan diruz lagundu nahi den inbertsioa azaldu beharko da.
• Elkarteak eskabidea aurkezteko hartu duen erabakia egiaztatzeko agiria, elkarteko idazkariak egina.

Baldintzak:

• Inbertsioa hasi aurretik aurkeztuko da eskabidea.
• Eskatzaileek landare eta abere osasun arloan indarrean dauden arauak bete eta abereen osasun-kanpainak egin beharko dituzte.
• Nahitaezkoa izango da udal lizentziak eskuratzea, mota guztietako eraikuntzak eta instalazioak egiteko.
• Eskatzaileak Muxikako udalerrian bizi eta inbertsioak Muxikako udal-mugartearen barruan egingo dira.
• Eskatzaileek Herri Administrazio guztietako zerga-betebeharren ordainketa egunean izan beharko dute.
• Eskatzaileek hasierako plana, proposatutako hobekuntza eta amaierako egoera aurkeztuko dituzte.

Irizpideak:

• Jardueraren interes orokorra.
• Diru-laguntza barik ia ezinezkoak izango liratekeen jarduerei laguntzea.

Betebeharrak:

• Diruz lagundutako jarduera dagokion urteko abenduaren 31 baino lehen amaituta egon beharko da.
• Jardueraren agirietan eta iragarkietan Muxikako Udalaren laguntza azalduko da.
• Frogagiriak inbertsioa egin eta hurrengo hogeita hamar egunen buruan aurkeztuko dira:
      - Inbertsioaren oroitidazkia.
      - Diru-laguntza ordaintzeko eskabidea, elkarteko lehendakariak egina.
      - Inbertsioaren fakturak.